March 12, 2024: School Education Minister Dr Vanlalthlana chuan school education hnuaiah zirtirtu post ruak 2991 a awm mek tih a sawi a, hnawhkhah tum a nih thu a sawi bawk.
MLA Pi Prova Chakma zawhna chhangin School Education Minister chuan recruitment rules leh sorkarin dan a neih sa anga lak tum a ni tih a sawi a, merit base-a lak an nih dawn thu leh indaihlohna zualpui ngaihpawimawh hmasak phawt tum a nih thu a sawi bawk.
MLA Pu C Ngunlianchunga leh Dr Lorrain Lalpekliana Chinzah te zawhbelhna chhangin Minister Dr Vanlalthlana chuan NEP hman tura B.P.Ed. lak chungchang chu Education Reforms Committee-ah refer tum a ni tih a sawi a, Samagra electrification chungchang sawi bawkin mi pakhat hmingin school 100 chuangah electrification hna thawh mek a nih thu a sawi bawk a ni.
MLA Pu Lalrinsanga Ralte zawhna chhangin School Education minister Dr Vanlalthlana hian SEDP hnuaia zirtirtute tawptir an nih huna zirtirtu indaih lohna avanga harsatna awmte sukiang turin ruahmanna siam mek a ni a ti a, SAMAGRA hnuaia thawk zirtirtute dinhmun siam that tumna a awm thu a sawi bawk. Tun hnaia exam zawhna leak out chungchang sawiin, MBSE pawhin FIR a thehlut tih a sawi a, an suspend-a pawh jail-ah dah a ngai ta tih a sawi bawk. (AIR)
