March 21, 2024: Health Minister, Pi Lalrinpuii hmalaknaa Lung lam thalo zai ngai, Chennai-a a thlawna zai tur ruahmanna siamah Batch hmasa ber atan mi 19 atangin hlawhtling takin mi 18 zai an ni tawh.
Kumin February-a Cardiac Camp ZMC a buatsaih atanga Lung zai ngai hmuhchhuah mi engemawzat Sri Ramachandra Medical Center, Chennai-a a thlawna zai tura ruahmanna siam niin; Batch hmasa ber atan Lung lam thalo zai ngai mi 19 te chu hlawhtling takin mi 18 zai an ni a, pakhat erawh inenkawl deuh a la ngaih avangin zai theih a la ni lo.
Nimin khan Chennai-a Lung zai zawh tawh thenkhat lo haw te Health Minister ruahmannain Lengpui Airport-ah hmuah an ni a, an mahni In lama an haw hmain an hriselna dinhmun te enfiah leh vek an ni. Heng damlo te hian Health Minister hmalakna ropui an tih thu sawiin; a chungah lawmthu an sawi a ni. (DD)
