MPCC President-in Lok Sabha MP inthlan lo awm tur chu Thlarau indona a ni, a ti
02 April 2024: Tukin dar 7:30 khan Pu Lal Thanzara President, MPCC leh Pu Lalbiakzama MPS (Rtd), Congress Party Lok Sabha MP Candidate te’n Press Club, Lungleiah thuthar thehdarhtute an kawm a, MPCC leh LDCC hruaitute’n an tawiawm.
Pu Lal Thanzara chuan M.P inthlan lo awm tur chu Kristian nuai chimih duhtute leh Sakhaw tihbik neilo inbeihna tur, Thlarau indona a ni tiin, hetiang anih laia MNF M.P Candidate-in a lo tling anih chuan Kristian leh hnam hnufual zawkte nuai chimih duhtu NDA lamah thut a tum thu a sawi chu Pathian tana sengkhawmtu ni lovin thehdarhtu a nih mai a hlauh thu leh ZPM Candidate-in lo tling ta se a thutna lam tur a sawi ngamlo chuan kan sakhaw puithiamte rilru a tina a ni a ti a, Congress M.P Candidate kan thlantlin chuan Opposition ah lo awm palh pawh nise Kristian nekchep tumtu dodal ngam M.P kan thlan avang ringawt pawhin khawvel hmuhah kan mawi dawn a ni, a ti.
Pu Lalbiakzama, Congress MP Candidate pawhin, BJP sorkar chuan Kristiante mai ni lo Mizo mipuite leh kan tlangmi puite min pawisakna an nei miah lo va, he thang hlauhawm leh him lo BJP sorkar paihthla turin Mizoram Congress MP kan neih a ngai a ni, a ti.
