MHIP Sub Hqrs Lunglei Conference-ah Mizo hmeichhiate fa hring tam tura hmalak rel a ni
04 April; 2024: MHIP Sub-Headquarters Lunglei chuan vawiin khan Saikuti Hall-ah an Conference vawi 22-na an hmang.
He hun hi an Vice-President Pi Zosangi’n kaihruaiin; an President Pi Lalliannguri chuan MHIP member-te bakah Mizo hmeichhiate fuihna thu a sawi a. An General-Secretary Dr H.Lalnunmawii’n kum 2022 atanga 2024 inkar chhunga an hmalakna report a pe bawk a ni.
Chawhnu lamah an President Pi Lalliannguri kaihhruaiin rorelna neih a ni a. An thurel langsar zingah Lunglei Civil Hospital tihchangtlun te, Lunglei khawpuia hall lian awmchhun Saikuti Hall thuamthat leh enkawl zui bakah hemi atan hian Sawrkar-in sum dah ve rawh se tih te, Mizo hmeichhiate fa hring tam tura Sub-Hqrs hminga hmalak leh hnamlam lamah nasa zawka hma lak bakah Gudkha do kawnga hmalak chhunzawm te a tel a ni.
Rorel zawh hian MJA Lunglei District te kaihhruaiin kum 2024 – 2026 chhunga MHIP Sub-Hqrs Lunglei hruaitu tur thlanna neih a ni a. Hengte hi thlanchhuah te an ni– President: Dr. H.Lalnunmawii, Vice President: Pi Lalliannguri, Secretary: Pi Lalramzauvi Chawngthu, Asst Secretary: Pi R.Lalthangluaii, Treasurer: Pi Hmangaihzuali, Fin Secretary: Pi Vanlalpianpuii.
