15 April 2024: ZPM Lok Sabha MP Candidate Pu Richard Vanlalhmangaiha chuan sum tih chingpen chungchanga amah puh hmingchhetute chhui turin Aizawl District Chief Judicial Magistrate hnenah Criminal Complaint-a thehlut a, hei hi thudik hai lanna tur a ni, a ti.
Nimin khan Aizawl District Court tuala Chanchinbu mite hmaah thusawiin ZPM MP Candidate chuan MAMCO hnuaia Kendriya Vidyalaya sakna tur sum tihchingpen chungchang CBI-in a chhui tawha telvea amah an puhna chungchang leh Hnahlan Grape chingtute sum hmuh tur chungchanga amah puhnaah za a za-a a fihlim thu a sawi a, puh hmingchhiat anihna kawngah pawisa a kuta a luh loh thute leh Mizorama Grape chingtute tih hmasawnna kawngah leh grape sawngbawlna lamah sorkar tha chakna hmanga theihtawp a chhuah thu a sawi a, grape chingtute tih hmasawnna atana sum awm za a 35 a ei ni a puhna chungchangah pawh Grape chingtu society-te’n hemi chungchang hi chiang takin an lo sawi tawh a ni, a ti.
Criminal Complaint hi facebook-a thu post-tu David Sailo inti, Lalrammuanpuii Izu, Youtube-a Tuesday Nightmare hminga channel neitu leh, Tlanghmingthanga Aizawl Mission Vengthlang ami te lakah file a ni. (AIR)
