13 May 2024: Vawiin chawhnu dar 3:00pm khan SP Lunglei Conference Hall-ah Pu J.Lalmuankima, SP Lunglei kaihhruainain Lunglei khawpui chhunga Bank hrang hrang hotute nen inkawmhona neih a ni.
He inkawmhonaah hian tunlaia Cybercrime hmanga pawisa inbumna tam chho zel kara thawhho dan turte sawiho a ni. Bank lamin rinhlelh account an hriat ruala Police hrilh vat dan turte, Loan lem chungchanga fimkhur turte leh a rang thei ang bera rinhlelh account freeze anih theh dan turte sawiho a ni. Police leh Bank lamin hriattur pawimawhte inhrilh tawnin; theitawpa hmalak chhoh zel dan turte pawh sawiho a ni.
He hunah hian Pu H Lalhlimpuia LDM, Lead Bank Office chuan Police-te chu Police Station level aṭanga thawktute hnenah Bank kalhmang; hnu chhuina kawng atana ṭangkai turte an hriat ve zel nan training neih a pawimawh thu sawiin, hun remchang hmasa bera training hi neih tura ruahman a ni bawk.
He meeting-ah hian Lunglei Police atangin SP leh Addl SP-te’n an telpui a, Lunglei khawchhunga Bank hrang hrang hotute pawh an kal tha hle.
