27 May 2024: Lunglei khawpui chhung veng hrang hrang kawngpui sira lirthei dahte atanga fee khawn chungchangah LMC leh YMA Sub Hqrs Lunglei chuan kumkhat atan MoU ziah an remti.
Lunglei Municipal Council hotute chuan LMC area-a mumal zawka lirthei neitute’n mipui himna tur leh kawngpui a thawl zawk theih nana hmalakpuia inremna ziahpuiah YMA Sub Hqrs Lunglei chu a ngen angin Sub Hqrs YMA Executive Committee chuan rem a lo tih tawh a, hetiang anih avang hian LMC leh YMA-te’n MoU an ziah tur chungchang sawifiahna leh inhrilhhriatna vawiin khan YMA Sub Hqrs Conference Hall Lungleiah neih niin; Lunglei khawpui chhung YMA Branch hrang hrang aiawhte an tel a ni.
YMA-te’n parking fee an khawn leh pawisa an chawitir atanga sum lut chu 50% LMC-ah an chhunglut ang tihte chu MoU ziah hnan tura ruahman te a ni.
YMA Sub Hqrs Lunglei leh LMC-te’n MoU an ziah tur hi kumkhat chhung March ni 31. 2025 thleng atan ruahman phawt a ni.
