12 June 2024: Vawiin chawhnu dar 2:00 khan Healthy Lunglei District Campaign Launching Programme; Covention Centre Lungleiah hman niin Health & Family Welfare Minister Pi Lalrinpuii chuan a hawng a, MLA pathum, Lunglei South bialtu Pu B.Lalramliana, Thorang bialtu Er.R.Rohmingliana leh West Tuipui bialtu Pi Prova Chakma ten an telpui.
Healthy Lunglei District Campaign Luanching Programme hi Dr.L.C Liana Chief Medical Officer Lungleiin a kaihruaia, Rev F.Zorinkhuma Secretary MTKP-in hunserh a hmang. Lunglei Bawrhsap Pi Ramdinliani chuan, Lunglei Dist mipuite hrisel lehzual zawkna tura Sawrkar hotute hmalakna avanga ruahmanna lian tak a awm chu lawmawm a tih thu a sawi.
Khuallian leh Programme hawngtu Health Minister Pi Lalrinpuii chuan Healthy Lunglei District Programme ngaihtuah chhuaktu, Lunglei District bawrhsap leh a thawhpuite remhriatna chu fakawm a tih thu a sawi a, Healthy Lunglei District Programme chu mipuiten tangkai taka an hmana an hlawkpui ngei duhsakna nen a hawng a ni.
Dr.Eric.Zomawia Mission Director, National Health Mission chuan Power Point Presentation hmangin thil pawimawh te a tarlang a. Pu James Miahlung Addl.D.C, Lunglei, Chairman Sub Committee on NDC Awareness Campaign & Screening Drive chuan August thla atangin thingtlang lamah pawh hmalakna kalpui a ni dawn a ti.
Convention Centre kawtzawlah a thlawna inentirna buatsaih nghal niin a thlawna damdawi sem nghal a ni.
