17 June 2024: Zorun Event buatsaih, 1st International Expo July ni 7, 2024 thleng awh tur chu Lunglei Bawrhsap Pi Ramdinliani IAS chuan Saikuti Hall Ground Floor-ah vawiin chawhma dar 11:00 khan a hawng.
Hawnna inkhawm tawi hi Laldingngheti Pautu, Zorun Event Director-in kaihruaiin, Rev.R.Lalnunzira AGS, BCM-in hunserh a hmang. Expo hawngtu Lunglei Bawrhsap chuan hetiang Expo ropui tak Lungleia la awm zen zen lo buatsaih a ni chu lawmawm a tih thu sawiin, Lunglei mipuite pawhin kan hlut thiam angai a ti a, tunlai khawvel changkang tawh leh khawvel zim takah hian thliarkar rilru put reng hi a diklo a ti.
Hetihlai hian dawr hawngtu zawng zawngte pawhin Consumer-te dikna chanvo hre renga thil man to tak leh awmlo lutuka zawrh a awm tur a ni lo ti bawkin Aizawl emaw phai ram emaw kal ngai lo va Expo buatsaih ani chu mipuite tan chhawr tangkai tlak anih ngei a beisei thu a sawi.
1st. International Expo-ah hian chhungkaw mamawh thawmhnaw leh bungraw chi hrang hrang zawrhna dawr 48 chuang hawn niin, Restaurant changtlung tak hawn a ni bawk.
