20 June 2024: Ruah tui tlak nasat lai – fur laiin rul chuk a tam thin a, hei vang hian rul chuk lakah fimkhur a ngai hle niin mithiamte chuan an sawi.
Snake Bite Envenoming Prevention and Control (SBEPC), National Rabies Control Programme (NRPC) leh National Programme on Human Health and Climate Change (NPCCHH)-te chuan nimin atang khan rúl chuk leh a kaihnnawih thilte zirhona Aizawl West College-ah an buatsaih a, Mizoram hmun hrang hranga medical officer-te tana buatsaih niin, ni thum chhung awh tur a ni.
Zirhona behchhan hian HFW department chuan thuchhuah siamin, rûl chuk laka invèn dan tur an tarlang a. Fûrah nasa takin rûl chuk case a tam thin tih sawiin, mipuite rûl chuk laka an inven fimkhur a, rúlin mi a chuk a nih chuan Damdawi In panpui vat nachang hriat a pawimawh, an ti.
Rûl chuk case hi zan lamah a tam thin avangin, zana lên chhuahnaah kalna tur chiang taka an hmuh theih nan torchlight êng ṭha tak nen fimkhur taka kal ṭhin tur a ni, an ti. (AIR)
