25 June 2024: Lunglei DVO Dr. Vanlalhruaia chuan District hrang hranga Vawk hri African Swine Fever a hluar viau laia Lunglei an la him chu lawmawm a tih thu a sawi.
Dr. Vanlalhruaia chuan kan palai a hrilh danin tun dinhmunah Mizoram District hrang hrangah A.S.F hri a leng mek a, a bikin Aizawl, Saitual, Khawzawl, Kolasib, Serchhip District ah te A.S.F hri hi a hluar hle ni a ti a. Hetih laia Lunglei District erawh vanneihthlak taka A.S.F hri lakah a la him chu mipuite tanrualna rah a ni a ti.
He hri laka kan him zel theih nan mipuite leh Association hrang hrangte fimkhur leh zual tur leh, Lunglei District Magistrate thu chhuah ngaipawimawh a, vawk talh tur leh vulh turte’n District dang atanga la lut lo turin a ngen a, A.S.F hri theh darh chungchangah mawhphurtu ni lo tura theihtawp chhuaha fimkhur turin mipuite a ngen tih a sawi bawk.
