27 June 2024: Melbuk, Champhai District khaw mite’n balu an lakna thin Tiau Lui kama mi chu vawiin chawhma dar 11:00 vel khan a minin, mi pathum an thi a, pakhat a hliam bawk.
Balu in a chim hnan avanga thite hi Lalmalsawmdawnga, kum 16, Samuela, Melbuk fapa te, Lalmuankima, kum 18, Lenkhupa (L) fapa leh Laltandika, kum 20, Liankhawnang fapa, Saikhua, Tahan (Myanmar) te an ni.
Thudawn danin, balu lakna hmun ft 40 vela thuka laih chu chimin, hnathawk pali a chhilh a, a hmunah mi pahnih an thi nghal a, mi dang pahnihte chu District Hospital, Champhai panpui nghal niin, damdawi in thlenpui hmain pakhat a thi leh a ni. (DDK)
