Excise & Narcotics Department Lungleia thawktute chuan June thla liamta chhung khan thubuai 49 ziaklutin, heng thubuai kaihhnawih avang hian mi 45 leh lirthei pakhat an man a, Sipai atangin Zu chhiah Rs 1,95,300 an hmu bawk.
Excise & Narcotics Department Lungleiin June thla kalta chhunga thubuai an ziahluh te hi MLP Act ’19 hnuaiah 42 leh NDPS Act ’85 hnuaiah 7 a vaiin 49 a ni a, heng thubuai kaihhnawihah hian MLP Act ’19 hnuaiah mi 39 leh NDPS Act ’85 hnuaiah mi 6 an vaiin mi 45 an man a ni. Thubuai an ziahluh kaihhnawiha thil chi hrang hrang an man te chu, Rakzu- Litre 128.91, Zubilh lai – Tin 31, Pot – 6, Sapzu Um puitling – 835, Beer – Can 264, Ganja – Gram 502.410, Heroin – Gram 495, Khuh damdawi – Kg 15 leh Alprozolum – Gram 39.820 bakah lirthei LMV pakhat an man bawk a ni.
