July 6, 2024: Mizo Hmeichhe Insuihkhawm Pawl te chuan vawiin khan an kum 50 tlin lawmna hun an hmang.
A lawmna pui ber Aizawlah chuan AR Lammualah neih niin Home Minister Pu Sapdanga’n a hman pui a, Jubilee monument a hawng bawk. Khuallian chuan Golden Jubilee chibai bukin, tlawmngai Pawl Mizoram a lo piang te hi Missionary te hrin vek a ni a, Mizo puite hmasawnna tur ngaihtuah vek an nih avangin an hlu em em a ni a ti. Social work lamah Pawl hrang hrangte’n an tih remchang lo hi MHIP te tih remchang em em si, khawtlang hmasawnna atana MHIP-in an thawh ṭhin a tam hle a, tha leh zung senga an thawh te hi sawrkar sum a thawh tur nise, a man a to hle ang a ti a. An hna thawh zawng zawngah ram mipuite aiawhin lawmthu a sawi.
Hei bakah hian Khuallian chuan Ruihhlo laka ven hna thawktu pawh hmeichhia niin, ven ngai zawk chu mipa an nih thu a sawi a. MHIP aṭanga kan inzirtirna kal zelah khawtlang nun hi kan siam ṭha thei a ni tiin, hmeichhia te ram siamṭhat nan an pawimawh hle thu a sawi. Home Minister hian Golden Jubilee Souvenir a tlangzarh bawk a ni. (DD)
