11 July 2024: Vawiin chawhma lam dar 11:00 khan Lunglei District chhung a Cyber Crime case leh Information Technology kaihhnawih buaipui tur bik “Cyber Cell” Lunglei DEF hnuaia din thar, Lunglei Police Station building ami chu Pu C.Lalthanmawia IPS, DIG (SR) chuan a hawng.
Khuallian Pu C.Lalthanmawia, IPS, DIG (SR) chuan Cyber Cell hetiang a room hran neia mumal taka Lungleiah din alo ni ta chu lawmawm a tih thu a sawi a. District dangah hetiang room hran thlap neia mumal taka Cyber Cell din a hriat loh thu sawiin, Lunglei SP hmalakna fakawm a tih thu a sawi a ni.
Cyber Cell-ah hian Cyber case hrang hrang bakah portal hrang hrang CEIR, ICJS, ITSSO, CriMAC, NIDAAN, CyTrain, NDSO leh NAFIS te an enkawl anga, Investigating Officer-ten CDR an dilte pawh an mamawh ang zelin awmze nei zawkin Cyber Cell-ten an lo analyse thin dawn a ni.
