15 July 2024: Vawiin khan Lunglei District Deputy Commissioner Pu R.Lalṭhazuala kaihhruaiin Lunglei DC Conference Hall-ah Lunglei District chhunga department hrang hrangte hnathawh leh dinhmun inhrilhhriat nana inkawmhona buatsaih a ni.
Lunglei District Bawrhsap Pu R.Lalṭhazuala chuan Lunglei District chu Mizorama District lian ber dawttu a nih angin a enkawlna kawngah sawrkar department hrang hrangte nena thawhhona ṭha tak neih a pawimawh dawn tih sawiin, department hrang hrangte chu thawhho puiah a sawm nghal a. Lunglei District hmasawnna tur leh mipuite tan zau zawka rawngbawl hna thawh a nih theih nan department hrang hrangte hnathawh leh dinhmun te hriat chian a ngaih thu sawiin, department hrang hrang hnathawh a inang lo va, chu’ngah chuan department-te dinhmun leh harsatnate inhriatpui tawn a, lang tlang leh ṭha zawka hna thawh a nih theih nan hma lak a ṭul a ni, a ti a. Department-te harsatna hrang hrang inhriatpui tawnna aṭangin a sutkian dan turah hma lakho theihna a awm a beisei thu a sawi.
Department-te hna thawh inhriattirna hun hi thawh li-a buatsaih tura ruahman a ni a. A ni khatna vawiin chawhma lamah office 15 leh chawhnu lamah office 7 te’n te’n powerpoint presentation hmangin an department dinhmun te tarlangin hun an hmang a ni.
He hunah hian Additional Deputy Commissioner pahnih – Pu James Miahlung leh Pi Rochuangkimi Khenglawt te’n Bawrhsap hi an ṭawiawm a. Department-te harsatna hrang hrang chin fel dan tur leh ṭha zawka hna thawh dan tur rawtna hrang hrangte sawi ho a ni bawk.
Naktuk chawhma lamah office 11 leh chawhnu lamah office 22 te’n hun an hmang ve leh thung ang.
