31 July 2024: Parliament Session kal lai mekah Pu K. Vanlalvena’n nimin tlai khan Union Budget sawihona hunah Mizoram chu North East state 8-te zingah Assam tih lohah chuan MORTH hnuaia motor kawngpui siamna atana budget chang tam ber a ni chu lawmawm a tih thu a sawi chhuak.
Pu Venan House a hrilh danin Ministry of Road Transport and Highway in North East state hrang hrangte tana National Highway siamna tura sawrkar laipui sum ruahman dan chu hetiang hi a ni :- Arunachal – Rs vaibelchhe 5327, Assam – Rs vbch 34,198, Manipur – Rs vbch 13,779, Meghalaya – Rs vbch 7219, Mizoram- Rs vbch 16,606, Nagaland – Rs vbch 10,643, Sikkim – Rs vbch 4494, Tripura – Rs vbch 5106. A vaiin North East tan Rs vbch 97,372 a nih thu a sawi a. Mizoram chu North East-a National Highway siamna tur fund pek tam ber dawttu a nih avangin lawmthu a sawi a ni.
