06 Aug 2024: Central YMA thuchhuahin a tarlan danin, nizana Central YMA Executive Committee thukhawm chuan, Mizorama Gorkhali awm ten Mizoram Sawrkarah Other Backward Classes (OBC) Status an dil mek chungchang a ngaihtuah a.
Central YMA hian Gorkhali-te’n OBC Status an dil tirh atangin Mizo hnam himna khawih chhe thei nia a ngaih avangin a lo dodal tawh thin a. Gorkhali-te OBC Status pek an nih chuan ram leilung fa, Mizote tan kawng hrang hrangin a him dawn lo niin kan hria, an ti a. Hetianga Central YMA-in kan Ram leh hnam humhalhna atana hma a lak mek lai hian, Mizo hnam tana him lo ni a kan ngaih avangin, Gorkhali-te OBC Status pek hi tha kan ti lova, a tawp thlengin kan dodal zel dawn a ni, an ti.
