09 Aug 2024: Lok Sabha Budget Session neih mekah Mizoram MP (LS) Pu Richard Vanlalhmangaiha chuan a vawikhatna atan thusawina hun neiin vawk hrileng avanga tuartute tan a auchhuak.
MP (LS) Pu Richard Vanlalhmangaiha hian hun rei tawh tak aṭanga vawk hri (ASF) leng avanga Mizoram mipui leh a bik takin vawk vulhtuten harsatna nasa tak an tawh thu a sawi a. Tun thleng hian ASF avangin vawk 8250 an thih tawh thu a sawi. Pu Richard chuan vawk hrileng avanga vawk vulhtute chhawmdawlna tur Central atangin engmah puihna an la hmuh loh thu sawiin, Mizoram Sorkarin Central Sorkara vawk vulhtute hnena zangnadawmna tur a ruahman Project a siam Rs vbch 26.725 chu tihfel sak thuai turin Union Minister, Animal Husbandry chu a ngen nghal bawk a ni.
