18 Aug 2024: Mizoram Thalai Kristian Pawl (MTKP) member-te chu vawiin tlai khan Mizoramin Sawrkar tha a neih theih nan chawngheiin an tawngtai.
Mizoram Baptist Kohhran hnuaia Fellowship Department lian ber MTKP member-te chuan MTKP rorel 2024-in a lo rel tawh angin nimin tlai dar 5:15 atang khan ‘Mizoramin Sawrkar tha a neih theih nan’ tih thupui hmangin chawnghei tawngtai an hmang a, BCM hnuaia TKP Unit hrang hrangte’n an mahni Kohhranah theuh an hmang a ni.
MTKP buatsaih chawnghei tawngtaiah hian tawngtawi thupui hrang hrang hetiang hian siam a ni- Chief Minister, Minister leh MLA ten dikna tungding zel tura huaisen taka hma an lak theih nan, Sawrkar hnathawkte’n ngaihtuahna thianghlim tak nen ram rawngbawl hna an thawh theih nan, Mipuiten ram hruaitute kan thawhpui theih nan leh khua leh tui tha ni tura Sawrkarin thupek a chhuah leh dan a zam te tha taka kan zawm theih nan, Kohhranin Sawrkar tha kan neihna kawngah theihtawpa Sawrkar an thawhpui theih nan tih leh TKP member-te’n Sawrkar tha kan neih theih nan huaisen taka kan din tlat theih nan, tih thupuite hmangin TKP member-te hi Chawngheiin an tawngtai a ni.
