19 Aug 2024: Lunglei District High Powered Committee (HPC) chu vawiin khan an Chairman Pu Lalduhoma, Chief Minister hovin a office, Aizawl-ah an thukhawm.
CM chuan sawrkarna kan kalpui hnu deuh lawkah MP Election Model Code of Conduct te a han awm leh a, kan tum angin HPC kan thukhawm hma thei ta lova; vawiinah Aizawl lamah kan han tan ang a, nakinah chuan Lunglei lamah te kan la thukhawm zel dawn a ni, a ti a. Lunglei khawpui mipuite’n min duhsakzia kan hria a, mit-in kan hmu a; Sawrkar hian mipuite lakah rulh tur tha bâ tam tak kan nei tih hi kan hre reng a ni, a ti.
HPC kal dan tha zawk neih dan tur (legislate dan tur) an sawi bakah Serkawn Bazar Shed sak thar chungchang te, Mizoram chhim lama Airport siam tur chungchang te, Lunglei-a Multi Level Car & Smart Parking leh Ring Road Project siam te an sawi bakah HPC Fund hman danphung pawh tihdanglam an rel a. Heng bakah hian Agricultural Link Road laih leh thil pawimawh dang te an sawi bawk.
Meeting-ah hian HPC Vice-Chairman Pu V.Malsawmtluanga MLA leh HPC member-te: Pu Lalramliana (Papuia) MLA, Pu T.Lalhlimpuia MLA, HPC Member-Secretary leh Lunglei DC ni bawk Pu R.Lalthazuala leh non-official member-te an tel tha hle a ni.
