10 Sept 2024: Central YMA Kumpuan Sub-Committee-te’n nikum December ni 12 leh kumin September ni 9 thlenga ruihhlo an man, Rs Vbch 5 chuang hu chu vawiin khan halral a ni.
Central YMA Pisa kawta halral ruihhlo hi a vaiin Rs vbch 5, Nuai 58, 45,780 man hu a ni a, Synod Moderator Rev Vanlalnghaka chuan ruihhlo hi a halral a ni.
Central YMA President Pu Lalhmachhuana chuan hausak thut duh vanga ruihhlo hmanga hausak tumte chu YMA-in a enliam mai dawn lo a ti a, Two wheeler leh taxi khalhtuteah ruihhlo pekual an awm thin nia an hriat thu sawiin, ruihhlo tawlh leh phurh nana motor hman te hi sorkarin an permit leh ruihhlo phurtu driver-te licence cancel sak a tul nia a hriat thu a sawi a, theihtawpin YMA chuan ruihhlo an do zel dawn tih a sawi a ni. (DDK)
