11 Sept 2024: Vawiin khan Environment, Forests & Climate Change Department chuan ramngaw leh nungcha te humhalhna kawnga nunna chan ta te hriatrengna ni ‘National Forest Martyrs Day’ chu State Forest Training Institute, Bethlehem Vengthlang-ah Pu Lalthansanga, Minister, EF&CC Department leh Pu AK Biswal, Principal Chief Conservator of Forests hovin an hmang.
He hunah hian EF&CC Department chuan an thawhpuite duty laia boral mi 12 – Pu Lalzawmliana, Wildlife Guard, Dampa Tiger Reserve; Pu Lalsiamliana, Forester, Durtlang; Pu Lalnunzira, Forester, College Veng; Pu R.L Zoliana, Tuikual South; Pu Zatluanga, Wildlife Guard, Darngawn; Pu K. Lallawmkima, Forest Guard, Kolasib; Pu Laithansanga, Forest Guard, Khuruhlian; Pu Vanlaltluanga, Deputy Ranger, Kawnpui; Pu B. Rothangliana, Chowkidar, Aizawl Zoo; Pu C. Lalrinkima, Forester, Lunglei; Pu C. Lalengmawia, Forest Guard, Champhai te hriatrengna leh an mahni zahna chibai bukna hun hman a ni.
National Forest Martyrs Day hi 2013 atang khan September ni 11-ah India ramah hman tan a ni a, September ni 11 hi kum 1730-a Bishnoi hnam mi 363 ten ramngaw an humhalh avanga an lal kuta an thih ni a ni a, hemi hriatreng nan hian September ni 11 hi National Forest Martyrs Day atan kum tin hman thin a ni.
