14 Sept 2024: Public Works Department (PWD) changtu Minister Pu Vanlalhlana chuan, tunlaia Mizoram kawng chhe siamna tur chu sorkarin pawisa a nei tih a sawi.
Mizoram chhung hmun hrang hranga kawng chhe chungchang sawiin Minister chuan kawngpuite chu siam duh mah se, ruahtui a tlâk reng avangin siam mai theih a nih loh thu a sawi a, Ruahtui a tlak loh hunah kawng siam hna an tan dawn a ti. Sorkar chuan pawisa ngah viau lo mah se, kawng chhe zual lai siamṭhatna tur pawisa chu an nei tih sawiin, kawng chhe siam that hlan an nghakhlel hle tih a sawi bawk.
PWD Minister chuan Mizoram chhungah PWD enkawl loh kawng tam tak a awm thu sawiin, NHIDCL leh BRTF-in an enkawl mek eng emaw zat a awm a, chutihrual erawh chuan Mizoram chhung a nih avangin a that theihna atan theihtawp an chhuah tih sawiin, NHIDCL leh BRTF hotute an nawr reng thu a sawi bawk a ni. (AIR)
