Lunglei; 30 Oct 2024: Nizan zan rei tawh lam nia ngaihah tlangval pathum chu Lunglawn tlak lam khamah an tla a; vanneihthlak takin hliamna lutuk an awm lo.
Thudawnna in a sawi danin heng tlangval pathum te hi nizan khan Lunglawn lungphun tlangah lengin zan rei tak thlengin an awm niiin a lang a. An zinga pakhat chu lungphun tlang sir deuha a kal chu chesualin khamah a tla a, chumi ngaihven tum an thian pakhat chu tla ve lehin vanneihthlak takin tla thui hman lovin thingin a lo dang a. Hetia pakhat zawk a tlak veleh hnu hian an thian pakhat chuan a thian te tla zawn tuma kham a chhuk a tum chu a tla thla veleh niin an sawi.
An tlak hun takin hi hriat theih nilo mahse an zinga pakhat thingin a lo dan hi tukin zing khawvar hlim khan vakchhuakin a bulhnaia In awm te a kaitho a; hetiang anih avang hian zinglam khawvar hma vela chesual nia rin an ni. Hetianga an chetsual thu a bulhnaia miten an hriat hian YMA Sub Hqrs hnuaia Disaster Management Committee-te hrilhin Disaster Management Committee te hian Adventure Club-te punin; Lunglawn khawtlang leh Adventure Club te hian khama tla mipahnih la tang te chu tukin zingkar khan an la chhuak a ni. An lakchhuah pakhat zawk hi metre 300 vel a thui lumin pakhat zawk hi metre 150 bawr vel a thui a lum niin an sawi. Hliam na lutuk tuar an awm loh laiin kham atanga lakchhuah zinga pakhat hian a kawng na a tih avangin Civil Hospital panpui niin admit nghal a ni a, ngaihtuahawm erawh a nilo ni-a sawi a ni.
