14 Nov 2024: Vawiin chawhnu dar 12:30 vel khan Lunglei Police –te’n Sapzu (IMFL) chi hrang hrang Case 79 (um 948) an man a, a neitu ni-a inchhal, Zu man te leh a phurhna lirthei chu Court-a thawn turin Lunglei PS-ah kawl a ni.
Vawiin chawhnu dar 12:30 vel khan Kikawn, Bazarveng Lungleiah State Level Mega Mock Drill on Landslide Disaster neih mek laiin Bolero Pikup Registration No. AS11-EC1388 chu Police duty-te’n a kalna tur kawng kawhhmuh lam hresualin, Kikawn tlang lamah a tlanchho a. A thil phurh hi a rih em avangin tlanchho zo lova a tawlh thlâkna lamah Mock Drill atana mimal Pikup hman mek chu a hnung lamah su in; handyman-in jam a dah dawn laiin Driver chu a tlanbo a.
SDRF (2nd MAP) mi leh sa ten zu rim an hriat avanga ringhlelin; lirthei an han bihchian chuan zu tam tak a phur ngei a ni tih an hmu a, Lunglei Police Station an hriattir nghal a. Lunglei Police te a hmunah thleng vatin Sapzu (IMFL) chi hrang hrang Case 79 (um 948) chu handyman Nazrul Islam, Silchar nia inchhal hnen atangin mansak a ni.
