8 Jan 2025: Vawiin khan Lunglei Municipal Council (LMC) huam chhunga local council (LC) leh Lunglei District chhunga village council (VC) inthlanpui 2025 atana hman tur final electoral roll chu Lunglei District Election Officer Pi Navneet Mann chuan Lunglei DC Conference Hall-ah a tlangzarh a. LC leh VC final electoral roll copy chu political party hrang hrang aiawhte hnenah a hlan nghal.
Lunglei District Election Officer Pi Navneet Mann chuan LC leh VC electoral roll tlangzarh theih tura buaipuitute inpekna fakawm a tih thu a sawi a, inthlanpui dik leh felfai taka kalpui a nih theih nan official-te, political party-te leh tlawmngai pawlte thawhpuina a ngen nghal a ni.
Vawiina final electoral roll tlangzarh tak ang chuan LMC huam chhunga local council 24-ah voter 41,206 (mipa voter 19,364 leh hmeichhe voter 21,842) an awm a. Lunglei District chhunga village council 88-ah voter 51,731 (mipa voter 26,596 leh hmeichhe voter 25,135) an awm bawk.
