24 Jan 2025: Vawiin khan Lunglei District Bawrhsap Pi Navneet Mann chuan a office chamber-ah NHIDCL (National Highways & Infrastructure Development Corporation Limited) hotute leh contractor BRNIPL (BRN Infrastructure Private Limited) aiawhte kawmin, Lunglei – Tlabung kawng, National Highway 302 kawngpui laih zauh leh siamthat hnathawh mek dinhmun a sawipui.
He hunah hian Lunglei Additional Deputy Commissioner & CALA Pi Rochuangkimi Khenglawt pawh telin, NH-302 (Lunglei – Tlabung) kawng siam mek enkawltu NHIDCL leh hnathawktu BRNIPL-te’n an hnathawh chin dinhmun an report a. DC thu pek angin thal chhungin kawng chhia leh ngaihmawhawm zual laite an khawih thu leh hna pangngai pawh a theih anga chaka an kalpui thu sawiin, hna chu 50% vel thawh zawh anih tawh thu an sawi a. Ram lak tawh china in la thiat lo leh chhan dang avanga harsatna an tawhte an tarlang bawk.
He hunah hian DC lam chuan hna thawktute chu a tha thei ang ber leh chak thei ang bera hna thawk tura hrilhin, fur lo thlen leh huna mipuiin harsatna an tawh loh nan lei laih mek chu laih zawh hman tum turin an chah a. Zangnadawmna chungchang leh kawng chungchanga mipuiin DC hnena harsatna an thlente NHIDCL leh contractor lamin an bawhzui dan sawiho a ni bawk.
