07 Feb 2025: Gauhati High Court Aizawl Bench chuan vawiin khan All Mizoram Village Council Association President hminga Mizoram sorkarin VC term thla 6-a a pawhtawi avanga a khinna chungchang a ngaihtuah hnuah thutlukna chu a puang a, Court chuan Mizoram sorkar thiam a chantir.
Court thutlukna ang chuan, VC term pawhtawi chungchangah, VC Act 2014 amendment angin sorkar chuan VC term chu thla 18 aia tam loin a pawt tawiin a pawtsei thei a ti a, hei bakah hian VC inthlan tihhma chhana sorkar insawifiahna anga, sorkar laipui atanga Post Devolution Revenue Deficit Grants hmuh thin tlem tial tial tur avanga sum lam harsatna awm thei leh, Mizoram chuan sorkar kumtharah inthlanna dang, Autonomous District Council inthlan leh AMC inthlan a hmachhawn dawn bawk avangin, sum harsatna awm thei pumpelh nan VC term chu pawt tawiin, tun sorkar kum chhunga inthlang turin a ruahman ta tih Mizoram sorkarin a sawi chu thutlingah a ngai tih High Court chuan a tarlang bawk. (DD)
