21 Feb 2025: Vawiin chawhnu dar 2:00 khan Lunglei Road Safety Month & Traffic Awareness Film; District Legal Services Authority leh Lunglei Police te buatsaih chu Police Cumputer Training Centre, S.P Office Lungleiah Pu Vanlalenmawia Dist & Session Judge Lunglei, Chairman Dist Legal Services Authority ni bawk chuan a tlangzarh.
Film tlangzarhna inkhawm Lunglei Police Addl.S.P Pu Beimotaosa kaihruaiah hian Film tlangzarhtu Pu Vanlalenmawia Dist & Session Judge chuan, accident thlenna tam ber chu lirthei khalhtute fimkhur loh vang niin, mobile phone hmang chung te, meizu chung leh rui chunga lirthei an khalh vang a ni thin tiin hetianga lirthei khalh thinte chu thuneitute hnenah report thin ila; dan angin hrem zel a ni ang a ti. Traffic duty te pawh hawihawmna rilru pu turin a ngen a ni.
Lunglei S.P Pu J.Lalmuankima chuan Film an tlangzarh tak chu khawvel pumin an hriat theih tura siam niin Sub title English a dah a ni a ti. Lunglei HPC leh Dist Legal Services Authority Lunglei atanga sum an hmuh hmangin hetiang lama mithiamten tlawmngaia sum tlemte senga min siam sak a ni a kan lawm hle a ni tiin; mi zawng zawngin chhawr tangkai ngei se an duh thu a sawi.
