03 March 2025: General Administration Department Changtu, Chief Minister Pu Lalduhoma’n sorkarin aikal la te insiamrem hun, Grace period a pek hnu piah lama aikal la an la awm anih chuan a thawhna leh a chhawrtu officer chungah hremna lek tur a ni tih vawiin Assembly thutkhawmah a sawi.
Hemi chungchanga Member-te zawh belhna, “sorkar hnathawk aikal la lo awm ru ta se hremna lekkawh a ni ang em?” tih chu Chief Minister chuan, aikal la an lo la awm theih avangin sorkar chuan Grace Period an siam chhunga insiam tha tura tih an ni a ti a, hemi piah lama aikal la an lo la awm hria an awm anih chuan sorkar hriattir turin a ngen a ti a, aikal la lui an awm chuan anmahni leh a chhawrtu Officer chungah hremna an tawh ang angah an phunnawi thei lo ang a ti a, hei hian Samagra Siksha hnuaia thawkte pawh a huam vek tih a sawi.
Chief Minister Pu Lalduhoma, Law & Judicial changtu ni bawk chuan vawiin thutkhawmah hian Hnahthial District-ah Law & Judicial Department hawn tum anih thu a sawi a, Law & Judicial Department chu Directorate a siam tumna emaw bifurcate tumna emaw a awm lo a ti bawk. (DD)
