Finance changtu Chief Minister-in kum 2025-26 Mizoram Budget Rs vbch15198.76 a pharh
04 March 2025: Mizoram Legislative Assembly thutkhawm vawiina neih chhunzawmah Pu Lalduhoma chuan kum 2025-26 Mizoram Budget Rs vbch 15198.76 a pharh a. Kum 2025-2026 Budget hi sorkar kum hmasa kum 2024-2025 Budget Rs vbch 14412.12 aiin Rs vbch 786.64 in a tam zawk a, a punna hi 5.4% a tling a ni.
Chief Minster in Budget speech-a a tarlan danin, kum 205-2026 atana sorkar sum hmanna turah Rs vbch 12,540.20 ruahman niin, hei hi Budget pumpui atanga 82.51% a ni a, kum kal meka hman tura ruahman Rs vbch 11957.04 aiin 4.88% in a sang zawk a ni. Sorkarin hmasawnna rurel a din tur leh sorkar leiba hniamna tura hman tur, Capital expenditure atan Rs vbch 2658.56 ruahman niin, hei hi Budget zawng zawng atangin 17.49% a tling a, kum kal meka ruahman Rs vbch 2455.08 aiin 8.29% in a tam zawk a ni.
Chief Minister Pu Lalduhoma chuan thusawiin, Viksit Bharat chu Mizoramin a tangkai thei ang bera hmang ve turin a inbuatsaih mek a ti a. Kum 2024-25 budget a pharh tuma sorkarin sum leh pai enkawlna kawnga lei rem rap tura a inbuatsaihna atan, Year of Consolidation-a alo puanin a nghawng chhuah hrang hrangte sawiin, Pension benefit tangkhang an pekchhuah thute, power leina sum bat tlak fel anih thute, Mizoram Health Care Scheme hnuaia healthcare bill ba tling khawm 80% an pek tlak thu a sawi bawk.
Chief Minster chuan Budget a pharh bakah, kum kal mek 2024-25 atana revised estimate, Supplementary Demand atan Rs vbch 3512.33 chu a pharh bawk. (DD)
