05 March 2025: Vawiin chawhnu lam khan MZP Hqrs, Lunglei chuan ZORAM NI Programme; MZP Pisa Venglai-ah a buatsaih a. He hun hi Vice President Pu Albert Lalnunpuia’n a kaihruai a, Pu Lalpeksanga Chenkual Adviser MZP Hqrs, Lunglei chu Resource Person niin, MJA leh Political Party aiawh bakah zirlaite nen he hun hi hman a ni.
Resource Person Pu Lalpeksanga Chenkual chuan, Mizoram bomb hmanga beih ni; Zoram Ni-ah hian MZP chuan Political Party inchirhthehna leh Party hamṭhatna lak nan tumahin hmang lo se a duh thu sawiin, Hnam anga kan ṭhanharh a, mimal ang leh chibil ang te-a ram ropui kan din theih dawn loh avangin Hnam anga ṭanrualna hun atan Zoram Ni hi hman tum ṭheuh turin a chah a ni.
He hunah hian MJA leh Political Party hrang hrang aiawhte pawhin thu an sawi a ni.
Zoram Ni hi MZP kaihhruaina hnuaiah kum 2008 aṭang khan kumtinin hman ṭhin a ni.
