14 March 2025: Vawiin-ah Pentecostal Youth Department, Lunglei District Conference vawi 57-na Rorel inkhawm Tlabung Local UPC Biak Inah neih a ni. Rorel inkhawm hi District PYD President Pastor K.Lalnunpuia’n a kaihruai a, an thurel pawimawh zingah Thlarau Thianghlim Baptisma changlo ten an chan theih nan hmalak te, Ruihhlo/Zuk leh hmuam a fihlim zel theih nan hmalak leh District PYD-in Street Ministry kalpui; tih te chu tha tih a ni.
Report bu in a tarlan danin Lunglei District chhungah hian member hi 5,861 (Mipa 3678, Hmeichhia 2183) an awm. Nikum 2024 chhung khan Kohhran Dan khatna a nupui nei 19 leh Pasal nei 16 an awm a, Zuk leh hmuam nghei thar hi mi 112 awmin, Zuk leh hmuam nghei zawng zawng hi mi 1805 an ni.
PYD Lunglei District hian nikum 2024 chhung khan Thisen Unit 416 Civil Hospital Lunglei tan an pe a, kum 2024 chhung khan Missionary 10 an chawm.
