14 March 2025: Mizo Student Union Regional Hqrs Lunglei chuan vawiin khan kum hnih chhung atan hruaitu thlanna hun DEO Complex Lungleiah an hmang.
Hruaitu thlanna puala inkhawm tawi Pu K.Lalawmpuia Election Commission Chairman kaihhruaiah he hun hmanpuitu Pu T.Lalhlimpuia Lunglei West bialtu MLA chuan thu sawiin, zirlai tam ber zingah ti tak taka bei an tam lo nia a hriat thu leh a ti tak takte erawh chuan an tum an thleng thin a ni a ti a, Zirlai Pawl chu mi tam takten Politics Platform tiin sawisel thin mahse Politics Platform a hman hi a tha a ni, a ti.
Pu T.Lalhlimpuia chuan, MSU Regional Hqrs Lunglei hruaitu thlan tharte duhsakna hlanin a tling zo lo te pawhin tha taka thawhpui turin a ngen a, Lunglei Dist hmasawnna atana theihtawp chhuah tur leh a pawimawh ber Vanram kai erawh ngaihpawimawh bera nei turin a ngen.
MSU Regional Hqrs Lunglei hruaitu thar thlanna hi Election Commission Chairman Pu K.Lalawmpuia, MSU Adviser leh Returning Officer Pu K.Lalrintluanga Khiangte MSU Adviser ni bawk ten kaihruaiin heng mite hi thlan tlin an ni-
President- Lalthangliana, Vice President- Roluahpuia, Secretary- C.Lalthlamuana, Asst.Secretary- Zorinpuia, Treasurer- Henry VL.Ramdailova, Fin.Secretary- Jerry H.Lalbiakngheta te an ni.
