15 March 2025: Lunglei chawmtu Tlawng luiah tui nghah khawl a ngaih tawh avangin PHED chuan nikhatah tui an Pump tam theih loh avangin Lunglei khawpuiah tui harsatna a thleng mek.
PHED ten tui sem dan phung pangngai anga mipuite hnena tui an sem theih tak rih loh avang hian Lunglei mipuiten tui hman turah harsatna an tawk mek a, tuikhur tam zawkah tui a kang tawh bawk si avangin mi tam tak chuan Motor hmanga tuichawi te hnen atangin tui an lei thin a, tui hi litre 1000 Rs 700 in an leitlangpui niin thudawnna chuan a sawi.
PHED Lungleia thawktute chuan duh anga tui an sem chak theihloh avanga tui lei an pun zel avangin vawiin atang khan Lunglei khawpui hmun nga, Three Gate, Lunglawn, Ramthar, Rahsiveng leh Pukpuiah te duty indahin; lirthei hmanga tui chawite an chang a, an tui phurh tih thianghlim nan Chlorine an pawlh sak zel a ni.
