PHED Lunglei hotute chuan Local Council hotute kokhawmin, an veng theuh Tuikhur leh a chhehvel Chlorine hmanga ti thianghlim turin an ngen.
Lunglei Water Supply Maitenance Division hotute chuan Local Council aiawhte kokhawmin, Lunglei khawpuia tuikhurte chu Bacteriological Quality an nih vangin tuikhur tui ei leh ina hmangte chuan tui an chhuanso ngei a ngaih thu leh Chlorine pawlh a that thu mipuite hnenah hrilh hre turin Local Council aiawhte hi an ngen a. Chlorine hi PHE Side Office tinah a thlawna lak theih a nih thu leh Local Council hotute pawhin an venga tuikhur leh a chhehvel chu Chlorine hmangin ti thianghlim tura an duh thu an sawi a ni.
Hetihlai hian Tuichawi a zuar thinte tui chu Lunglei khawpui kawtchhuah hmun li ah Chlorine an lo pawlh sak zel thin thu leh an Tuichawi lirtheite pawh Side Office remchangah Chlorine an lak thin bakah a pawlh dan an hrilh thu an sawi a, mipuite hnena PHE in tui a sem chhuah thin chu semchhuah a nih hmain Laboratory ah enfiah hmasak zel a ni an ti.
