Tun thla April aṭanga hman tan, Health Care Scheme thar-Mizoram Universal Health Care Scheme chu April ni 8 thleng khan damlo 131-in an chhawr tawh.
Sorkarin Health Care Scheme a ruahman thar, pawisa pek ngai lo va damdawi ina inenkawl theihna, MUHCS hi April ni 1 atanga hman tan a nih hnu ah, chhinchhiah danin, damlo mi 131 ten an chhawr tawh a, heng dam lo te hi MUHCS zawmtu damdawi in 13-ah enkawl an ni a, heng damlo 131 enkawl nan hian sawrkar chuan Rs Nuai 6.7 chuang a pe chhuak tawh bawk.
Damdawi in zingah damlo enkawlna man sorkar atanga dawng zingah Mizoram State Cancer Institute chuan Rs 2,35,508 dawngin, a dawng hnem ber a ni a, hei bakah hian sawrkar damdawi in 8, Primary Health Centre 3 leh mimal enkawl Rapha Daycare Centre te hnenah sum pekchhuah a ni tawh nia tarlan a ni bawk. (DD)
