15 April 2025: PHE Department Lunglei-in mipuite hnena motor hmanga tui sem hna tukin zing thlenga an thawh tawh laiin motor hmanga tui sem hi a khaihlak rih a ngai maithei.
Lunglei khawpuiin tui harsatna a tawh mek sukiang tura PHED-in Connection line kaltlanga tui an sem bakah motor hmanga tui sem hna an thawh mek laiin tukin a ruah tam tham tak sur avangin motor hmanga tui chawina Mat Lui chu a nu vek a, hetiang anih avang hian motor hmanga tui sem hna hi chawlh san rih angai a, PHED thawhpui Truck Owners Association Lunglei lam chuan tui chawi tur dang hi an dap kual mek a ni.
Tukina ruah sur in Mat Lui a tih nut bakah tuikhur tui kang te pawh chawi tlak lohin a awm a, ruahtui rin tur a la awm law law bawk si loh avangin Lungleia tui harsatna hian engchen nge a awh dawn sawi mai theih a ni lo.
Hetihlai hian Mat Lei chhak lam tui chu tlem a a fim deuh avangin chawi tlak a ni em tih PHED thawktute chuan enfiah an tum.
