Lunglei khawpui tui harsatna sutkian nana Gravity Dam siam mek; zawh hun tura zawh theih theih loh chungchang sawiho
16 April 2025: Vawiin khan Lunglei District Consumer Association chuan, SE PHE Dept, Lunglei Watsan Circle leh Tlawng lui lakna Dam sa mektu HS Construction te Tlawng lui lakna siam mek chung changah SE PHED Office Chamber-ah kawmin, Lunglei khawpui tui harsatna sutkian nana AMRUT 2.0 fund atanga Rs vaibelchhe 4.7 hmanga Gravity Dam siam mek; kumkhat chhunga zo tura tih; zawh theih theih loh avanga thla 6 (August 2025) atana pawhsei (Extend) sak leh anih chungchang an sawiho.
LDCA chuan kumin furpui ruah khawl hman anih loh chuan nakum thalah tuiah harsatna Lunglei khawpui mipuiten kan tawk leh dawn tih a chiang reng tiin, hun tiam pekbelh chhung ngeia hna zo hman turin Contractor chu an ngen a, a tul ang zela thlira hmalak zel an tum thu an hrilh bakah lehkha an pe bawk.
Contractor Pu H.Sanga Chanmari, Aizawl (HS Construction) chuan August 2025 ah chuan zawh hman ngei an tum thu a sawi.
