19 April 2025: Lunglei Police-te chuan dan phal lohva lakluh foreign bike Kenbo 125cc nimin atang khan vai tanin vawiin lam thleng khan Bike 60 an man tawh. Heng an Bike man te hi a ke pakhat zawk thlawn sak zelin a ke an thlawn hi Lunglei Police Station-ah kawl sak an ni a, Bike neitute hian an Bike hi Burma lamah an hawn duh a nih chuan Police Station atang hian an Bike ke hi an la chhuak thei dawn a ni.
Hetihlai hian Lunglei Local Council Association-ten raltlante zan dar 9:00 hnu lama pawn chhuah an khap leh Burma sumdawngte Inrinni leh Sawrkar chawlh ni lovah khawlaia sumdawnga vah vel an khap chu khauh taka kalpui zel a ni. Lunglei S.P chuan Thaizawl Raltlan Camp a awm te chu duty an dahte leh Camp-a an hotute remtihna chauha lut chhuak tawh turin a hriattir bawk.
