16 May 2025: PHED leh YMA Sub Hqrs Lunglei buatsaihin, vawiin chawhma dar 11:00 khan Awareness on Tlawng Protection at Lunglei (Tlawng lui humhalh inzirtirna) hun YMA Sub Hqrs Conference Hall, Venglaiah hman a ni.
Tlawng lui humhalh inzirtirna inkhawm hi Pu CMS Dawngliana, Vice President, YMA Sub Hqrs Lunglei chuan kaihruaiin, Lunglei khawpui chhunga YMA Branch hrang hrang aiawhte bakah Tlawng lui hnar lama awm YMA Branch aiawhte an tel a ni. He hun hi Er.H.Duhkima Engineer in Chief PHED chuan hmanpuiin, Tlawng lui humhalh a tul dan leh humhalh tura tihtur hrang hrangte kalkhawmte a zirtir a ni.
YMA Sub Hqrs Lunglei President Pu K.Lalfakzuala pawhin Tlawng luia tui hna tlem zel dan leh a chhan leh vang nia a hriatte sawi bawkin, tui hna tipung tura hmalakna tur kawng hrang hrang a sawi a, zawhna leh chhanna hun hman a ni bawk.
