19 June 2025: Vawiin chawhma dar 11:00 khan LMC chuan Property Tax online a pek theihna application (https://property.lmclunglei.com) an tlangzarh.
Tlangzarhna inkhawm BoC Hall a neih hi Pu Zorinsanga Executive Councillor chuan kaihruaiin, In dinglaiah chauh tax lak niin ram ruakah lak a ni lo va, Sawrkar building-te pawhin an chawi a ngaih laiin Biakin leh Zirna Inah te erawh tax lak a ni lo va, a hniam thei ang ber Rs 180 chawi tur nei lo an awm anih erawh chuan ngaihdam theihna dan erawh a awm, a ti.
LMC Chief Executive Officer Pu Dony Lalruatsanga chuan ULB sum hmu turin Property Tax hi kan duh emaw duh lo emaw khawn a ngai, a ti a. Property Tax Revenue Deptt kaltlanga kan pek thin kha State Sawrkarah a vaiin a lut thin a, LMC kaltlanga kan pek tur hi State Sawrkarah a lut tawh dawn lo va, kan khawtlang hmasawnna atan vek a ni ti bawkin, Property Tax LMC-in a khawn atang hian 5% chauh LMC chuan a chang dawn a, Local Council ten 15% an chang anga 80% chu Ward Developement atan hman tur a ni, a ti.
Property Tax Online a pekna Application chu thlakhat chhung enchhin phawt anih tur thu leh Complaint duhte tan Complaint-na hun hawn rih tum anih thu leh LMC Office lamah pawh pek theih anih thu a sawi.
Property Tax online a pekna Application hi Rs Nuai 10 senga Lailen Consultancy Aizawl-in an siam sak anih thu Pu Zorinsanga, Executive Councillor chuan a sawi.
