Agriculture Minister–in ZPM sorkar chu thlaithar chi li lei turin a inruahman fel thawkhat a ti
26 June 2024: Agriculture Minister PC Vanlalruata’n ZPM sorkar chu thlaithar chi li Sawhthing, Hmarcha, Aieng leh Hmuhphiahte lei turin a inruahman fel thawkhat tih a sawi.
Vawiina a pisa MINECO a thuthar thehdarhtute a kawmnaah Agriculture minister chuan sawhthing lei turin ruahmanna hrang hrang kalpui a ni tih a sawi a, a hring ringawt lei a tawk dawn lo va, a sawngbawlna food processing din a ni dawn tih sawi bawkin, kum 3 chhungin market linkage mumal taka siam tum a nih thu a sawi bawk.
Minister chuan kum tharah sawhthing bikah quintal 10 chuang thar beisei a ni tih sawiin, tunah hian thlaithar lei turin tender auction system-in kalpui chhoh mek a nih thu leh khaw 20 velah tender kalpui mek a nih thu a sawi a ni.
