27 Aug 2024: Power Grid Corporation of India Limited (PGCIL)-te’n Corporate Social Responsibility (CSR) kaltlanga Lungsen-I Village Council tana bawlhhlawh paihna tur Motor (Mahindra Bolero Maxx Pik-Up) an ngaihtuah sak chu vawiin chhun dar 12:00 khan Lunglei DC Pu R.Lalthazuala chuan D.C Office kawtah Lungsen -I VCP Pu C.Lalremruata kutah a hlan.
Motor hlanna inkhawm tawi D.C Office tualzawla neihah hian Power Grid Corporation of India Lungsena General Manager Er.Hrangchhuana Sailo chuan Motor Chahbi leh Document pawimawh te Lunglei D.C kutah a hlan hmasa a. Lunglei D.C Pu R.Lalthazuala chuan Lungsen – VCP Pu C.Lalremruata kutah Motor Chahbi leh Document te hlan chhawng ve lehin, khawtlang thianghlimna kawngah Motor chu tangkai taka an hman a duh thu a sawi a, Motor ngaihtuah saktu Power Grid Corporation of India Ltd thawktute chungah lawmthu a sawi bawk a ni.
