Chhim lam mipui mamawh MRI khawl Civil Hospital, Lunglei-ah

07 July 2026: Health Minister Pi Lalrinpuii hmalakna leh thawhrimna zara Civil Hospital, Lunglei ah 1.5T MRI Machine bun anih dawn thu, ZPM Southern Hqrs Lunglei chuan thuchhuah siama sawiin, Lunglei District mai ni lo, Mizoram Chhim lam mipui zawng zawng a mamawhtute tana sum leh pai tam tak senga Aizawl leh hmun dang pan ngai thin; Lungleiah ngei hman theih a ni dawn ta chu a lawmawmin a thlamuan thlak tak zet a ni, an ti.

Pu Lalduhoma Chief Minister kaihhruai Sorkar hnuaiah mipuite Healthcare tha a awm theihna tura Health Minister leh a thawhpuite hmalakna avang hian mipuite thla a muang hle tiin, Sorkar Hospital hrang hranga Khawl mamawh leh tul hrang hrang mipui mamawh dah belh zel a ni hi hmasawnna chhuanawm leh ropui tak anih avangin Sorkar chungah lawmthu an sawi tih an tarlang.

Health Minister leh a thawhpuite hmalakna azara Digital Mammography Tomosynthesis Khawl pakhat leh Handheld X-ray khawl 18 zet mai Ministry of Health & Family Welfare in a rawn pek chungchangah pawh Central Sorkar hnenah lawmthu an sawi tih an tarlang.

Mizoram mipuiten hriselna kawnga hma an sawn zelna turin Health Minister Pi Lalrinpuii leh Health Department a thawktu zawng zawngte chu hma an lak zelna turah duhsakna an hlan tih an sawi bawk.