03 Dec 2024: Vawiin chawhma dar 11:00 khan Lunglei SP Conference Hall-ah Pu Alataf Ahmad Khan IPS, DIG (Southern Range) chuan Lunglei khawtlang-a NGO hruaitute nena inhmelhriatna leh inkawmna hun a hmanpui. YMA Sub-Headquarters Lunglei, MUP Lunglei Headquarters, MHIP Sub-Headquarters Lunglei , MZP Lunglei Headquarters leh MSU Regional Headquarters Lunglei hruaitute an tel a ni.
Pu K.Lalfakzuala, President, YMA Sub-Hqrs chuan tun dinhmuna Lunglei khawtlang hruaitute leh Police te thawhhona a that zia thu te sawi chhuakin DIG (Southern Range) thar Pu Altaf Ahmad Khan-a ho-na hnuaiah pawh chutianga thawhhona tha chu chhunzawm zel a beisei thu a sawi.
DIG (SR) Pu Altaf Ahmad Khan pawhin theihtawp a chhuah tur thu a sawi a, NGO hrang hrang te’na an hmalakna theuh te a hriatchian viau thu te leh lawmawm leh ropui a tih thu te sawiin, theihtawp chhuah tlanga hmalam pan zel tum tlan a ngaih zia a sawi a. Pawl hrang, hming hrang nei duah te ni mah ila, han dawn chian tak tak chuan pawl khat kan lo nihzia a hriatchian leh thin tiin, tha taka thawkho zel turin NGO-te a sawm a, duhsakna a hlan bawk.
