Zobawk bul Tlawng hnara awm District Park Lunglei chu kum 2022 atanga Privatise a nih hnuah a tlawhtute atangin Rs Nuai 9 chuang hmuh a ni tawh.
Kum 1996-a Chief Minister Pu Lal Thanhawla hawn Dist Park Lunglei hi Local Administration Department-in hun rei tak a enkawl hnuah kum 2022 atang khan privatise a ni a. Mimalin an enkawl hnu hian park tlawhtute atanga kum 2024 thlenga sum an hmuh tawh zawng zawng chu Rs Nuai 9 chuang a ni tawh tih an sawi a, tun dinhmunah hian Dist Park hi changtlung leh nuam zawka thuam belh zel tumin ngawrh takin hma an la kal mek tih park enkawltu Pu H.Lalremruata chuan a sawi. Hetihlai hian kum 10 chuang liamta a sak RCC building; Rs Nuai tlemte senga zawh fel theih mai tur chu hman tangkai theihin Sawrkarin hma la thei se park chu a changtlung lehzual dawn bakah mipuite tan pawh a hlu lehzual dawn nia a hriat thu a sawi.
Dist Park Lunglei hi a enkawltute chuan sikul naupang leh kohhran hminga hmangte chu 50% chauh hman man an lak sak thu an sawi a ni.
