05 May 2025: Vawiin chawhma dar 11:00 khan Lunglei District Congress Committee chuan LDCC Bhavan-ah Devotion leh Political Session hun an hmang a, inkhawm hi Pu RT.Vanmawia, President, Lunglei North Block – I Congress Committee-in a kaihruai a, Pu Kapthanga, Senior Wing hruaituin Pathian hnena inkawltirna hun a hmang.
LDCC-in an sawm angin Dr.LH.Rammawia Serkawn chuan hun a hmang a, Mizoramah Party hrang hrang sawrkar tawhte an thawk tha viau a, Congress Party pawh hun rei tak lo sawrkar tawh an nih angin ram tan thil tha tam tak an thawk nia a hriat thu a sawi.
Dr.Rammawia chuan ram hmasawn nan khawvel thlir phak zirna tha neihte, inkalpawhna tha te, Health Care tha leh dan zahna ram nih te a pawimawh em em laiin tute Party mah hian an la ti hlawhtling tak tak lo nia a hriat thu leh UPSC exam-ah pawh Mizote tan lan a har thu sawiin, CBSE Course hi kan zawm mai a hun tawh lawm ni, a ti.
Natna zinga buaipuiawm ber Cancer chu zuk leh hmuam leh ruihthei thil avanga awm thin a nih bakah Chhungkuaa Cancer vei awm avanga inthlah chhawn theih anih dan te leh TB natna chungchang leh a enkawl dan te Dr.Rammawia chuan Party mi kalkhawmte chu hrilhin, heng natna chi hrang hrang lak atanga fihlim thei tura taksa enkawl dan tur leh ei leh in kawnga tih tur leh tih loh tur hrang hrangte Paper Present hmangin zirtirna a pe a, zawhna leh chhanna hun hman a ni bawk.
