11 Nov 2023: Lunglei Municipal Council (LMC) Rules & Regulations By-Laws paruk peihfel a ni tawh a, Mizoram Cabinet-in a approve hnuah a taka hna thawh a ni dawn.
He thu hi nimina MAL Jt-Hqrs Lunglei Golden Jubilee Souvenir ‘Fin Khawm’ a tlangzarhnaah LMC Chairman Pu Lalzuithanga chuan a thusawiah a tarlang tel a. LMC-in hna an thawh theihna turin tanchhan tur neih a ngaih avangin Rules & Regulations By-Laws paruk– Parking Regulation & Rules 2023 te, Building Regulation & Rules 2023 te, Solid Waste Management Regulation & Rules 2023 te, Plastic Waste Management Regulation & Rules 2023 te, Licencing Regulation & Rules 2023 te, Advertisement and Hoarding Regulation & Rules 2023 te peihfel vek a nih thu a sawi a. Mizoram Cabinet-in a approve hnuah a taka hna thawh a nih tur thu a sawi bawk a ni.
